मराठी बोलपटाचा पहिला स्त्री चेहरा दुर्गा खोटे यांचा आज (१४ जानेवारी) जन्मदिन. त्यांच्या रूपेरी स्मृतींना भावपूर्ण श्रद्धांजली!
‘अयोध्येचा राजा’ या मराठी चित्रपटाबरोबर चित्रपट ‘बोलू’ लागला. या मराठीतील पहिल्या बोलपटात त्यांनी प्रमुख अभिनेत्रीची भूमिका केली होती.
१९०५ साली जन्मलेल्या दुर्गाबाईंनी सुमारे पाच दशकांच्या प्रदीर्घ कारकिर्दीत मराठी व हिंदी भाषांतील अनेक चित्रपट व नाटकांतून भूमिका केल्या.
१९६८ साली पद्मश्री पुरस्कार, तर १९८३ साली दादासाहेब फाळके पुरस्कार देऊन दुर्गाबाईंना गौरवण्यात आले.
आपल्या ५० वर्षांच्या प्रदीर्घ कारकीर्दीत त्यांनी अनेक आघाडीच्या नायकांसमवेत आधी नायिका व मग आई, आजी अशा भूमिका केल्या व गाजवल्यासुद्धा.
२२ सप्टेंबर १९९१ रोजी त्यांना देवाज्ञा झाली. सुप्रसिद्ध दिग्दर्शक, अभिनेत्री विजया मेहता या त्यांच्या स्नुषा.
सुंदर व आकर्षक चेहरा, उत्तम अभिनय व सत्शील वर्तन यामुळे दुर्गाबाई कायमच स्मरणात राहतील.
- भारतकुमार राऊत
